Չինաստանի Տյանցզին քաղաքում ծննդատան բուժքույրերը պատահաբար նորածին երեխայի լացի ձայն են լսել զուգարանից: Նրանք գնացել են ձայնի ուղղությամբ և սարսափելի տեսարանի ականատես եղել. զուգարանակոնքի մեջ երեխա է եղել՝ գրում է Daily Mail-ը:

Պարզվել է, որ նոր ծննդաբերած մայրը փորձել է այդ ձևով ազատվել երեխայից: Երեխայի հետ նրանք գտել են նաև կնոջ ընկերքը: Այդ արարքից հետո կինը փորձել է փախչել, սակայն բժիշկները բռնել են նրան և հանձնել ոստիկանությանը:

Կինը պատմել է, որ հղիացել է արտաամուսնական կապից, և զուգընկերն անհետացել է, ինքը թաքցրել է ընտանիքից իր վիճակը և փորձել է գաղտնի պահել այդ ամենը:

Բարեբախտաբար, փոքրիկը լուրջ վնասվածքներ չի ստացել:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել