«Թումանյան շաուրմա» արագ սննդի ցանցը սեպտեմբերի 1-ին տոնում էր ծննդյան 20-ամյակը: Վաղ առավոտից տոնական տրամադրությունն ապահովված էր. արագ սննդի ցանցի ողջ անձնակազմը հավաքվել էր գլխամասում՝ միմյանց շնորհավորելու ու համտեսելու տոնական տորթը: Ի դեպ, հոբելյանի առթիվ «Թումանյան շաուրմայի» հնաբնակները նաև խրախուսական նվերներ են ստացել՝ նվիրված ու սրտացավ աշխատանքի համար:
Իսկ ահա երեկոյան էթնիկ ֆասթ ֆուդը գեղեցիկ անակնկալ էր մատուցել իր հաճախորդներին ու կազմակերպել երաժշտական խելահեղ երեկո: «Թումանյան շաուրմայի» հրավերով առաջին անգամ Հայաստանում իրենց ֆանտաստիկ համերգային ծրագրով ելույթ ունեցան ֆրանսիացի լեգենդար DJ David Vendetta-ն ու պորտուգալացի հանրաճանաչ DJ Carolina Martinez-ը: Մինչ համերգի մեկնարկը Շառլ Ազնավուրի հրապարակում արդեն ակտիվ ժամանցի սիրահարների պակաս չէր զգացվում: Ձայնային ու լուսային շքեղ համերգային շոու ծրագիրը տևեց մոտ 2 ժամ: Ներկաները հնարավորություն ունեին ոչ միայն վայելելու դիջեյների երաժշտական սեթերն, այլև լուսանակարվելու սիրելի արտիստների հետ: Էներգետիկ համերգը դեռ երկար կմնա երևանցիների հիշողություններում: