Armsport.am-ը գրում է.
Ամերիկացի թենիսիստուհի Սերենա Ուիլյամսը դուրս է եկել ԱՄՆ-ի Բաց առաջնության քառորդ եզրափակիչ:
Չորրորդ շրջանի խաղում Ուիլյամսը երեք սեթում հաղթել է Էստոնիայի ներկայացուցիչ Կայա Կանեպիին 6:0, 4:6, 6:3 հաշիվներով:
Խաղը 1 ժամ 37 րոպե է տևել: Ուիլյամսը 4 կրկնակի սխալ է թույլ տվել և 7 հնարավոր բրեյք-փոինթներից իրացրել է 5-ը:
Կանեպիի ակտիվում 4 էյս կա, 3 սխալ մատուցման ժամանակ և 2 բրեյք-փոինթ` հնարավոր 3-ից:Հիշեցնենք` Կանեպիի համար մրցաշարը մեկնարկել էր աշխարհի առաջին ռակետ, ռումինացի Սիմոնա Հալեպի նկատմամբ տարած հաղթանակով (6:2, 6:4), իսկ Սերենա Ուիլյամսը նախորդ խաղում ջախջախել էր իր քրոջը` Վինուսին (6:1, 6:2):
US Open-ի կիսաեզրափակիչ դուրս գալու համար Սերենա Ուիլյամսը կխաղա մրցաշարի 8-րդ ռակետ, չեխ Կարոլինա Պլիշկովայի հետ:
Նյութի աղբյուր՝ http://www.armsport.am/hy/news/2018/09/03/Serena-Tennis/910508
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել