2018-ի մարտից՝ Cambridge Analytica ընկերության շուրջ ծավալված սկանդալից հետո, Facebook-ի աշխատակիցներն ավելի քան 400 հավելվածի աշխատանք են դադարեցրել սոցկայքում՝ օգտատերերի անձնական տվյալները պահպանելու մտավախության հետ կապված։ Այս մասին ասվում է ընկերության հայտարարությունում։

«Մեր հետաքննության սկզբից ի վեր մենք հազարավոր հավելվածներ ենք ուսումնասիրել։ Մենք դադարեցրել ենք դրանցից ավելի քան 400-ի աշխատանքը՝ դրանց մշակողների հետ կապված մտավախությունների պատճառով կամ այն պատճառով, թե ինչպես կարող են օգտագործվել տվյալները, որոնք մարդիկ հատկացնում են հավելվածներին։ Մենք դա այժմ առավել մանրակրկտորեն ենք ուսումնասիրում»,-նշել են ընկերությունում։

Facebook-ում նաև հստակեցրել են, որ սոցկայքի նոր օրենքների համաձայն, եթե 90 օրվա ընթացքում օգտատերը չի օգտվում տվյալ հավելվածից, ապա այն չի կարողանա նրա մասին տեղեկություն ստանալ։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել