Ներդրումների հոսքի շնորհիվ ամերիկյան արժույթը աննախադեպ աճ է գրանցել։ Այս մասին Twitter-ի իր էջում հայտարարել է ԱՄՆ նախագահ Դոնալդ Թրամփը։
Նա դոլարը «թանկարժեք» է անվանել, իսկ տնտեսական ընդհանուր դրությունը՝ լավագույնը երկար տարիների ընթացքում, քանի որ այն «աճում է չտեսնված տեմպերով»։
«Մեր տնտեսությունը շատ ավելի լավ է գործում, քան երբևէ։ Փողերը հոսում են, այդպես նախկինում հազվադեպ է եղել, ընկերությունների եկամուտները չտեսնված մակարդակի են, ինֆլյացիան ցածր է, իսկ բիզնեսում լավատեսությունը չափից դուրս բարձր է։ Տասնամյակների ընթացքում առաջին անգամ մենք պաշտպանում ենք մեր աշխատողներին»,- գրել է Թրամփը։
Նրա խոսքով՝ իր նախորդներից ոչ ոք տնտեսական ոլորտում այսպիսի արդյունքներ չի կարողացել ձեռք բերել։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
