Բաղադրիչներ

  • սմբուկ - 2 հատ
  • լոլիկ - 4 հատ
  • պանիր - 200 գ
  • սխտոր - 3-4 պճեղ
  • կիտրոն - 1/2 հատ
  • շաքարավազ - 1/3 թ/գ
  • մաղադանոս - մի քանի ճյուղ
  • համեմ - մի քանի ճյուղ
  • աղ - ըստ ճաշակի
  • սև պղպեղ - ըստ ճաշակի
  • բուսայուղ - ըստ ճաշակի

Պատրաստման եղանակը

Սմբուկները լվանալ, երկարությամբ կտրատել 5մմ լայնության շերտերով՝ ծայրի մասից 1,5 սմ-ի չափով թողնելով ամբողջական: Ճիշտ կտրելու դեպքում սմբուկները պետք է ստանան հովհարի տեսք:
Սմբուկները համեմել աղ և պղպեղով: Պանրի մի մասը շերտատել, մյուս մասն անցկացնել քերիչով, լոլիկները շրջանակաձև կտրատել: Սմբուկի շերտերի արանքում տեղադրել 2-3 շերտ լոլիկ և 2 շերտ պանիր:
smbuk-hovharner-3
Լոլիկների մնացած մասը կեղևահանել, մանր կտրատել և լցնել բուսայուղով պատված թավայի մեջ, ավելացնել ճզմած սխտորը, շաքարավազը, աղը և կիտրոնից քամված հյութը՝ ըստ ճաշակի: Խառնելով եփել 7-10 րոպե:
smbuk-hovharner-4
Սմբուկները տեղավորել ջեռոցի տապակի վրա,վրան լցնել լոլիկի սոուսը և եփել ջեռոցում 20-25 րոպե 180 աստիճանում:
smbuk-hovharner-5
Վրան շաղ տալ քերած պանիրը, այնուհետև կրկին եփել ջեռոցում 5 րոպե, որպեսզի պանիրը հալչի:
smbuk-hovharner-7

Լոլիկով և պանրով լցոնված սմբուկ՝ հովհարի տեսքով:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել