Panorama.am-ը գրում է.
Թուրքիան այս տարի նույնպես չի պատրաստվում մասնակցել Եվրատեսիլ երգի մրցույթին։ «Էրմենիհաբեր»-ի փոխանցմամբ, այդ մասին հայտարարել է թուրքական «TRT» պետական հեռուստաընկերության գլխավոր տնօրեն Իբրահիմ Էրենը։
Ըստ վերջինիս՝ պատճառը նախ քվեարկության համակարգն է, ինչպես նաև այն, որ այդ երգի մրցույթին մասնակցում են այնպիսի մարդիկ, ինչպիսին է օրինակ «Մորուքավոր կին» մականունը ստացած ավստրիացի երգչուհի Կոնչիտա Վուրսթը, ով միաժամակ իրեն համարում է և՛ կին և՛ տղամարդ։
Թուրք տնօրենի՝ խոսքերով, իրենք չեն կարող ժամը 21։00-ին հեռարձակել մի երգի մրցույթ, որին մասնակցում է «մորուք պահող, կիսաշրջազգեստ հագնող և սեռական կողմնորոշում չունեցող ինչ-որ մի ավստրիացի, այն դեպքում երբ այդ ժամին երեխաները դեռևս քնած չեն»։
Ամբողջական հոդվածը կարող եք կարդալ այստեղ։
