Բաղադրիչներ
- լավաշ - 4 հատ
- կաթնաշոռ - 300 գր
- մանանեխ - 1 թ/գդ
- սամիթ - 100 գր
- պանիր - 130 գր
- ձու - 1 հատ (դեղնուց)
- ջուր - 1 թ/գդ
- աղ
- բուսայուղ
Պատրաստման եղանակ
- Կաթնաշոռը միացնում ենք մանանեխի և աղի հետ և լավ խառնում ենք։
Սամիթը լվանում ենք, չորացնում և մանրացնում։ Ապա ավելացնում ենք կաթնաշոռին:
- Պանիրը անցկացնում ենք մեծ քերիչով։ Միջուկը լավ խառնում ենք։ Այն պատրաստ է։
- Լավաշը մոտավորապես 5 հավասար մասերի ենք բաժանում։ Դրանցից մեկի վրա ենք լցնում միջուկը` լավաշի մի եզրին մոտ և թեքությամբ։
- Լավաշի ազատ մնացած մասով եռանկյունաձև ծածկում ենք միջուկը։
- Այնուհետև նույն ձևով եռանկյունաձև ծալում ենք նաև միջուկով հատվածը։
- Այդպես շարունակում ենք ծալել, մինչև լավաշը վերջանա։
- Մնացած պոչիկը կարող ենք դանակով կտրել։ Կարող ենք նաև դեպի ներքև ծալել ավելորդ լավաշը։
- Այդ սկզբունքով փաթաթում ենք նաև մնացած լավաշները։ Դեղնուցը 1 թ/գդ ջրի հետ խառնում ենք և պատառաքաղով մի քիչ հարում։ Կարկանդակները հերթով 2 կողմից դեղնուցով ենք պատում։
- Դնում ենք բուսայուղով շիկացած թավայի մեջ` ծալած հատվածով դեպի ներքև։ Երկու կողմից տապակում ենք մինչև կարմրեն։
Միջուկից` 20 կտոր կարկանդակ ենք ստանում։ Լավաշով կարկանդակներ պատրաստելիս կարող ենք փոփոխել միջուկը` կաթնաշոռի փոխարեն պատրաստել դասական կարտոֆիլային միջուկով
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
