Ինչպե՞ս պատժել երեխաներին, որ այդ պատիժը դասի վերածվի և չվնասի փոքրիկի առողջությանը։
Նախ պատիժը պետք է արդարացված լինի։ Դա նշանակում է, որ պատժելը չպետք է կախված լինի հայրիկի կամ մայրիկի տրամադրությունից։
Պատժելիս պետք չէ վիրավորել։ Անգամ պատժելիս ծնողը պետք է հարգանք տածի երեխայի նկատմամբ։ Հակառակ պարագայում նա չի հասկանա, որ իրեն պատժում են։
Պատիժը չպետք է կանխատեսումների հիման վրա լինի։ Այսինքն՝ երեխային չպետք է պատժել այն բանի համար, ինչ նա կարող է անել, օրինակ, երեք տարի անց։
Պատիժը պետք է նպատակ ունենա։ Նախ ծնողը երեխային պետք է վերլուծի՝ ինչի է փորձում հասնել դրանով։
Պատիժը պետք է լինի առանց հուզական կամ ֆիզիկական բռնության։ Պատժելիս չպետք է հուզական երանգ ավելացնել՝ մի քանի օր շարունակ ասելով, թե երեխան ինչպիսի վատ վարքագիծ է դրսևորել։ Դրա հետևանքով երեխան կարող է ճիշտ չընկալել պատիժը։