Բաղադրիչներ

  • ալյուր - 400 գր
  • ջուր - 350 գր
  • աղ - 1,5 թ/գդ
  • խմորիչ - 0,3 թ/գդ ( չոր)

Պատրաստման եղանակ

  1. Ալյուրը, աղը, խմորիչը լցնում ենք թասի մեջ և գդալով խառնում ենք։
    tnakan-hac-1
  2. Ավելացնում ենք ջուրն ու գդալով լավ խառնում։ Խմորը թողնում ենք 12-24 ժամ (մոտ 18 ժամ)։
    tnakan-hac-2
  3. Հանգստացած խմորն այսպիսի տեսք ունի։
    tnakan-hac-3
  4. Մեզ անհրաժեշտ է հրակայուն հաստ պատերով ձևաման կամ կաթսա` անպայման կափարիչով։ Ձևամանը կափարիչով ծածկում ենք, դնում ենք ջեռոցի մեջ և ջեռոցը մինչև 230-250 աստիճան տաքացնում ենք։ Ալրապատ աշխատանքային սեղանի վրա խմորին ծրարի տեսք ենք տալիս։  Սրբիչի վրա թեփ կամ սպիտակաձավար ենք լցնում և խմորը տեղափոխում վրան, և հենց սրբիչի օգնությամբ էլ խմորը  տեղափոխում ենք տաք ձևամանի մեջ։ Սրբիչ օգտագործելու փոխարեն, տաք ձևամանը կարող ենք կարագով պատել (վրձնով) և խմորը զգուշորեն թիակով տեղափոխել։
    tnakan-hac-4
  5. Այնուհետև կափարիչով ծածկում ենք և արագ տեղափոխում ջեռոցի մեջ։ Թխում ենք մոտ 30-40 րոպե, այնուհետև կափարիչը բացում ենք և ևս 10-20 րոպե թխում ենք` մինչև ոսկեգույն դառնա։
    tnakan-hac-5
  6. Եթե ուզում ենք, որ կեղևը փափուկ լինի, պատրաստի հացը սրբիչով փաթաթում ենք, պոլիէթիլենային տոպրակով ծածկում և թողնում ենք սառչի։
    tnakan-hac-6
  7. Ահա այսպիսի գեղեցիկ հաց է ստացվում։
    tnakan-hac-8

Արագ և հեշտ պատրաստվող հացի բաղադրատոմս , որը ստեղծել է ամերիկացի հացթուխ Ջիմ Լեհեյը։ Մենք մի քիչ հեշտացված տարբերակով պատրաստեցինք

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել