Tert.am-ը գրում է.
ՀՀԿ-ն դեռ չի որոշել՝ արդյոք առաջադրելու է Երևանի քաղաքապետի թեկնածու, թե ոչ: Այս մասին լրագրողների հետ զրույցում ասաց ԱԺ ՀՀԿ խմբակցության պատգամավոր Գալուստ Սահակյանը:
«Դեռ կուսակցությունում չի որոշվել, բայց որովհետև ես այն կուսակցականն եմ, ով կարողացել է կազմակերպչական մոտեցումներ ունենալ, գտնում եմ, որ մենք կմասնակցենք ընտրություններին: Այն ձայները չենք վերցնի, որովհետև ինչ-որ մի բան փոխվել է երկրի ներսում, բայց որպես քաղաքական ուժ կլինենք առաջին գծում»,- ասաց Գ. Սահակյանը:
Նա ասաց, որ երբ ընտրություններ կլինեն, պարզ կլինի՝ ՀՀԿ-ն հանրության վստահությունը վայելում է, թե ոչ:
«Կուսակցությունը, եթե աշխատում է, պետք է աշխատի մեծամասնություն վերցնել, թեպետ գտնում եմ, որ վիճակն այնպիսին է, որ որևէ կուսակցություն չգիտի՝ ընտրություններին հաղթելու է, թե ոչ:
Անկախ նրանից՝ կլինենք իշխանության, թե ոչ, ՀՀԿ-ն առաջին գծում կլինի»,- ասաց Գ. Սահակյանը:
Ամբողջական հոդվածը կարող եք կարդալ այստեղ
