Tert.am-ը գրում է.
Կապանի ՀՀԿ-ական քաղաքապետ Աշոտ Հայրապետյանը հրաժարականի դիմում է ներկայացրել: Այս մասին Tert.am-ի հետ զրույցում տեղեկացրեց քաղաքապետի մամուլի խոսնակ Արմինե Ավագյանը: Նա նշեց, որ արտահերթ ավագանու նիստ էր հրավիրվել՝ հրաժարականի դիմում ընդունելու համար, սակայն նիստը չի կայացել:
«17:30-ին հրավիրված էր արտահերթ նիստ, որպեսզի ավագանին քննարկի ու ընդունի այդ հրաժարականը, սակայն որոշ մարդիկ բոյկոտել են, դուռը փակել էին, ու դահլիճ չի հաջողվել մուտք գործել: Նիստը չի կայացել, այս պահին այն վիճակն է, որ ավագանու նիստը չի կայանում»,- ասաց նա:
Խոսնակը նկատեց, որ աշխատակազմ ու ավագանու մի խումբ անդամներ դեմ են քաղաքապետ Աշոտ Հայրապետյանի հրաժարականին: Հարցին՝ հրաժարականի պատճառը երեկ վարչապետ Նիկոլ Փաշինյանի՝ Կապանում տեղի ունեցած հանդիպման ժամանակ միջադեպն էր, Արմինե Ավագյանը պատասխանեց. «Չէի մեկնաբանի նման կերպ, միգուցե, դա առիթ դարձավ, բայց, իհարկե, պատճառներն ավելի խորքային են»:
Ամբողջական հոդվածը կարող եք կարդալ այստեղ։
