Aysor.am-ը գրում է.
ԱԺ «Ծառուկյան» խմբակցության պատգամավոր Նաիրա Զոհրաբյանը հրաժարվում է մեկնաբանել ԲՀԿ նախագահ Գագիկ Ծառուկյանի թիկնազորի պետ Էդուարդ Բաբայանի մասնակցությամբ միջադեպը և միաժամանակ հերքում է, որ նա մարդ է ծեծել։
«Այս պահին որևէ մեկնաբանություններ չեմ կարող անել կատարվածի վերաբերյալ, բայց կարող եմ ասել, որ տուժողը հստակ ներկայացրել է իր խոսքը, որևէ հարված չի եղել Էդուարդ Բաբայանի և որևէ անձի կողմից։ Խնդրում եմ՝ հիմք ընդունեք տուժողի հայտարարությունը։ Այս թեմայի վերաբերյալ որևէ հարցի ես չեմ պատասխանելու», - այսօր լրագրողների հետ ճեպազրույցում հայտարարեց Նաիրա Զոհրաբյանը։
Պատգամավորը ստիպված եղավ մի քանի անգամ կրկնել, որ ինքն այդ թեմայի վերաբերյալ որևէ հարցի չի պատասխանելու, քանի որ լրագրողների՝ նրան ուղղված հարցերը միայն այդ թեմայի շուրջ էին։
«Տարբեր ձևակերպմամբ այդ թեմայի շուրջ որևէ հարցի չեմ պատասխանելու։ Գործը գտնվում է իրավական համակարգի տիրույթում, և որևէ մեկնաբանություն չեմ անելու», - ասաց պատգամավորն ու հեռացավ։
Ամբողջական հոդվածը կարող եք կարդալ այստեղ
