Բաղադրիչներ
- հավի փափկամիս - 300 գ
- բուլղարական պղպեղ - 100 գ
- պանիր - 100 գ
- սոխ - 1 գլուխ
- լոլիկի մածուկ - 2 ճ/գ
- սխտոր - 2 ատամիկ
- ցորենի կամ եգիպտացորենի բլիթներ տորտիլյա - 10 հատ
Պատրաստման եղանակը
Նախապատրաստում ենք բաղադրիչները:
Պատրաստում ենք լցոնը: Տապակում մի քիչ բուսայուղ ենք լցնում ու 30 վայրկյան տապակում ճզմած սխտորը: Սոխը կեղևահանում ենք ու մանր կտրտում, ավելացնում ենք սխտորին ու տապակում, մինչև թափանցիկ դառնա:
Ավելացնում ենք խորանարդաձև կտրտած բուլղարական պղպեղը: Հավի փափկամիսը կտրտում ենք մանր խորանարդիկների ձևով ու ավելացնում բանջարեղենին:
5-7 րոպե տապակում ենք լցոնը:
Բլիթի վրա 1 ճաշի գդալ լցոն ենք դնում ու մի քիչ պանիր քերում վրան:
Նույն կերպ պատրաստում ենք մյուս բլիթները: Փաթաթված բլիթները միմյանց կիպ դնում ենք թխելու ձևամանի մեջ՝ կարի մասը ներքևում:
Լոլիկի մածուկը լուծում ենք 1 բաժակ գոլ ջրում ու լցնում բլիթների վրա:
Վրան քերած պանիր ենք լցնում:
10-13 րոպեով դնում ենք նախապես 200 աստիճան տաքացված ջեռոցի մեջ, մինչև ոսկեգույն երանգ հայտնվի, և պանիրը հալվի: Մատուցում ենք տաք վիճակում՝ բաժանելով չափաբաժիների:
Բարի ախորժակ:
Մեքսիկական հարուստ խոհանոցի համեղ բաղադրատոմս՝ էնչիլադա: Պատրաստում ենք:
Նյութի աղբյուր՝ http://www.cooks.am/%D5%A7%D5%B6%D5%B9%D5%AB%D5%AC%D5%A1%D5%A4%D5%A1-%D5%B0%D5%A1%D5%BE%D5%B8%D5%BE/
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
