Tert.am-ը գրում է.
10:48
Ամուլսարի ոսկու հանքի շահագործման խնդրով վարչապետ Նիկոլ Փաշինյանը պայմանավորվեց եռակողմ հանդիպում անցկացնել՝ իր, «Լիդիան Արմենիա» ընկերության ներկայացուցիչների և բնապահպանների ու համայնքների ներկայացուցիչների միջև, ովքեր դեմ են հանքի շահագործմանը:
Նշենք, որ հանքի շահագործման դեմ ցույցին հակընդդեմ ցույց են անցկացնում «Լիդիանի» աշխատակիցները Ջերմուկից մի քանի կիլոմետր այն կողմ:
Վարչապետը Գնդեվազից ուղղաթիռով ուղևորվեց դեպի Ջերմուկ, որտեղ հանքի շահագործման դեմ ցույցի մասնակիցները նրան հյուրասիրեցին տեղի բարիքներով, և նշեցին, որ եթե հանքը շահագործվի, այս բարիքներն այլևս չեն լինի:
«Բազմաթիվ ծառեր են հատվել, էլ ծիրան չի լինի: Թյուր կարծիք է ձևավորվել, որ մենք «Լիդիանի» դեմ ենք պայքարում, մենք պայքարում ենք հանքի շահագործման դեմ: Որ իջնեք, մեր եղբայրներն ու քույրերն են կանգնած ներքև՝ «Լիդիանի» աշխատողները, նրանց խաբել են, ասել, որ այսօր գործի եք, բայց բերել են ցույցի»,-ասաց ցույցի մասնակիցներից մեկը:
Նիկոլ Փաշինյանը հետաքրրքվեց, թե այս գործընթացն ինչու նրանք ավելի շուտ չե՞ն սկսել: «Տեսա որ այնտեղ հսկայածավալ շինարարություն է տեղի ունեցել, 6-7 տարվա ընթացքում»,-ասաց Փաշինյանը:
Ցուցարարը նշեց, որ բողոքներ եղել են, բայց նախկին իշխանության օրոք անհնարին էր մեծ մասշտաբով բողոքել:
Գնդեվազցի բողոքի մասնակից Թեհմինա Ենոքյանը պնդեց, որ իրենք 2015թ-ից 9 գնդեվազցիներով դիմել են Վարչական դատարան, որ կասեցվի այս ամենը, սակայն նիստերը ձգձգվել են: Ըստ նրա՝ բացահայտել են մի շարք խախտումներ:
Ամբողջական հոդվածը կարող եք կարդալ այստեղ