Տուրկուի համալսարանի (Ֆինլանդիա) գիտնականները պարզել են, որ ընդհանուր անզգայացումը լիակատար ձևով չի անջատում մարդու գիտակցությունը. Նա շարունակում է արձագանքել շրջակա աշխարհի իրադարձություններին, թեև չի գիտակցում դա։
«Երևում է, անզգայացումը ավելի շատ նման է սովորական քնին, քան գիտակցության լիակատար անջատմանը»,- ասվում է Anesthesiology ամսագրում տպագրված հոդվածում։
Այս հարցում մինչ այժմ 2 տեսակետ է եղել։
Առաջինի համաձայն՝ անզգայացման ժամանակ ուղեղը կարող է երազներ տեսնել, տեղեկատվություն ընկալել և ճանաչել արտաքին ազդակները ենթագիտակցության մակարդակով։
Ըստ մյուս տեսակետի կողմնակիցների՝ ընդհանուր անզգայացումը կանգնեցնում է մարդու ներքին կենսաժամացույցը՝ մեծացնելով թուլամտության և Ալցհեյմերի հիվանդության զարգացման հավանականությունը։
Ֆինն գիտնականները ապացուցել են, որ առաջին տեսակետի կողմնակիցներն ավելի մոտ են ճշմարտությանը։ Եվ եթե անզգայացումը ավելի մոտ է խոր քնին, ուրեմն ապագայում այն կարելի է օգտագործել գիտակցության բնույթը հետազոտելու համար։
