Բաղադրիչներ
- սերուցք (33% յուղ.) - 200 մլ
- ազնվամորի - 1 բաժակ
- շաքարավազ - 1/3 բաժակ
- թխվածքաբլիթ - 6 հատ
- շաքարի փոշի - ըստ ճաշակի
- անանուխ
Պատրաստման եղանակը
Թխվածքաբլիթները ձեռքերով մանրացնում ենք։Այնուհետև լցնում ենք թափանցիկ գավաթների մեջ։
Սերուցքը լցնում ենք առանձին տարայի մեջ, ավելացնում ենք շաքարավազն ու շաքարի փոշին։
Հարում ենք այնքան, մինչև վերածվի պինդ զանգվածի։ Դրա համար պահանջվում է մոտ 5 րոպե։
Թխվածքաբլիթների շերտին ավելացնում ենք սերուցքը։
Այնուհետև դնում ենք ազնվամորու շերտը։ Ազնվամորին պետք է լինի չոր, հակառակ դեպքում հյութը դուրս կգա և դեսերտի տեսքը կփչացնի։
Լցնում ենք սերուցքի մյուս շերտը, վրան շարում ենք ազնվամորիները, զարդարում ենք շաքարի փոշիով ու անանուխի տերևներով։
Բաժակներով դեսերտները շատ տարածված են, քանի որ շատ ժամանակ չեն պահանջում պատրաստելու համար։
Այս բաղադրատոմսը նախատեսված է 3 հոգու համար։
Նյութի աղբյուր՝ http://www.cooks.am/%D5%A1%D5%A6%D5%B6%D5%BE%D5%A1%D5%B4%D5%B8%D6%80%D5%AB%D5%B8%D5%BE-%D5%A4%D5%A5%D5%BD%D5%A5%D6%80%D5%BF/
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել