Tert.am-ը գրում է.
Հայկական ատոմակայանի երկրորդ էներգաբլոկի շահագործման ժամկետի երկարաձգման ծրագրի իրականացման համար հայկական կողմին տրամադրված 270 մլն դոլար ռուսական վարկը չի ազդի էլեկտրաէներգիայի սակագների վրա:
Այս մասին այսօր «Էլեկտրաէներգետիկական համակարգի օպերատոր» ՓԲԸ-ում էներգետիկայի բնագավառի մասնագետների հետ «Կլոր սեղանի շուրջ հանդիպում-քննարկումից» առաջ լրագրողների հետ զրույցում ասաց ՀՀ էներգետիկ ենթակառուցվածքների և բնական պաշարների նախարար Արթուր Գրիգորյանը։
«Ռուսական վարկը, որը տրամադրվել է ատոմակայանին, չի ազդի սակագնի վրա, որովհետև մենք հաշվարկել ենք նաև այդ ռիսկերը»,- նշեց նախարարը:
Հիշեցնենք, որ Հանրային ծառայությունները կարգավորող հանձնաժողովը հայտարարել էր, որ ՀԱԷԿ երկրորդ էներգաբլոկի ժամկետի երկարաձգման նպատակով ռուսական 270 միլիոն դոլարի վարկի վերադարձը կհաշվարկվի էլեկտրաէներգիայի սակագնում:
Այսօրվա հանդիպմանը նախարարը նաև տեղեկացրեց, որ սահմանին և սահմանից ներս գազի գնի վերաբերյալ ուսումնասիրություններ են կատարում, որպեսզի հասկանան սակագինը և որպեսզի հասկանանք՝ որքան են փոփոխությունները, ավելացումները։
Ամբողջական հոդվածը կարող եք կարդալ այստեղ
