«Հրապարակ». ՀՀ երեք փոխվարչապետները մեքենա­ների կրճատմանը զուգահեռ ընտրել են ավտոպարկի ամենաթանկարժեք ու ծախսատար մեքենաները

«Նիկոլ Փաշինյանի կառավարության անդրանիկ նիստում առաջին փոխվարչապետ Արարատ Միրզոյանը հնչեղ հայտարարություն արեց՝ իր գրասենյակին հատկացված 5 մեքենաներից երեքից ինքը հրաժարվել է, փոխվարչապետ Տիգրան Ավինյանն էլ հրաժարվել է իր գրասենյակին հատկացված 4 մեքենաներից երկուսից: Սա, իհարկե, հասարակության կող­մից ընկալվեց բյուջեի խնայողության տեսանկյունից ու արժանացավ ծափահարությունների: Փոխարենը՝ քննադատությունների արժանացավ դրան հաջորդած մեր այն հոդվածը, որ ՀՀ երեք փոխվարչապետները, այդ թվում՝ Արարատ Միրզոյանը, մեքենա­ների կրճատմանը զուգահեռ ընտրել են, իրականում, կառավարության ավտոպարկի ամենաթանկարժեք ու ծախսատար մեքենաները: Օրի­նակ՝ Միրզոյանն իր համար որպես ծառայողական մեքենա ընտրել է նախկինում Վաչե Գաբրիելյանին և Արմեն Գևորգյանին սպասարկած Toyota Land Cruiser 200 աժդահա ամենագնացը:

Աղաջանյանը նախ սկզբում մեզնից տեղեկացավ, թե Միրզոյա­նը կառավարության նիստում ինչ հայտարարություն է արել և քանի մեքենայից է հրաժարվել: Նա գիտեր, թե երեքն է եղել, երկուսից է հրաժար­վել, մինչդեռ Միրզոյանը հինգից երե­քից հրաժարվելու մասին է ասել: «Էդ պարոն Միրզոյանն ա հայտարա­րել... երևի ավելի ճիշտ կլինի իրենից հարցնել: Աշխատակազմի ղեկավարը որոշումներ է կայացնում, թե քանի ավտոմեքենա ում պետք է հասնի՝ հիմնվելով նաև նախկին փորձերի վրա»,-գրում է թերթը:

Նյութն ամբողջությամբ կարդացեք թերթի այսօրվա համարում: