«Նոր իշխանությունները շտապում են՝ ուզում են աշնանն արտահերթ ընտրությունների գնալ: «Արագ ռեժիմը» պայմանավորված է մտահոգությամբ՝ ռեյտինգի անկում չունենան: Սակայն շատերն անիրատեսական են համարում աշնանն ընտրություններ անցկացնելու հնարավորությունը: Ընտրական օրենսգրքի փոփոխություններով զբաղվող Դանիել Իոաննիսյանը, որն ԱՄՆ-ից հետո (հիմա էլ Վենետիկում է, հայտարարել է, որ փոփոխությունները չեն ուղարկվի Վենետիկի հանձնաժողով՝ փորձաքննության, որպեսզի ընտրություններն արագ լինեն, հակառակ դեպքում՝ 6 ամսից մինչև 1 տարի պետք է սպասել փորձաքննության պատասխանին, ինչը նշանակում է, որ աշնանն ուղղակի հնարավոր չի լինի ընտրություններ անցկացնել:
Մեր աղբյուրին հարցրինք, թե հնարավո՞ր է առանց Վենետիկի հանձնաժողովի փորձաքննության օրենսգիրքն ընդունել: «Իհարկե, հնարավոր է, Վենետիկի հանձնաժողովի փորձաքննության առկայությունը պարտադիր նորմ չէ. ՀՀ-ն սուվերեն երկիր է, կարող է ինքնուրույն ընդունել իր օրենսգիրքը՝ հաշվի չառնելով որևէ միջազգային կառույցի կարծիք: Բայց, քանի որ մենք եվրոպական ընտանիքի անդամ ենք, կարևորագույն նախագծերի ընդունման հետ կապված՝ անպայման հաշվի ենք նստում միջազգային կառույցների, այդ թվում՝
Վենետիկի հանձնաժողովի կարծիքի հետ, որովհետև այն ԵԽ իրավական քաղաքականությունն իրականացնող ամենակարևոր օղակն է և ապահովում է լեգիտիմության և ժողովրդավարական նորմերի համապատասխանությունը՝ ընտրությունների լեգիտիմությունը չդնելով կասկածի տակ: Ի դեպ, եթե նոր իշխանություններն այդքան «վռազն» են, կարող են անգամ առանց ԸՕ փոփոխությունների էլ ընտրությունների գնալ, մեկ է՝ ժողովուրդը սիրում է իրենց»,- ասաց նա»,-գրում է թերթը:
Նյութն ամբողջությամբ կարդացեք թերթի այսօրվա համարում: