Թթի ամենակարևոր հատկություններից մեկը նրա ցածր կալորիականությունն է։ 100 գրամ հատապտուղն ընդամենը 43 կալորիա է պարունակում, իսկ դա նշանակում է, որ ուտել այն կարող են նույնիսկ նրանք, ովքեր փորձում են նիհարել։

Թութը հարուստ է չհագեցած ճարպաթթուներով, A, B, C վիտամիններով, կալիումով, կալցիումով, մագնեզիումով և այլ օգտակար նյութերով, որոնք օրգանիզմի վրա բարենպաստ ազդեցություն են գործում։

Թուլացած իմունիտետով մարդկանց բժիշկները խորհուրդ են տալիս թութ շատ ուտել, քանի որ այն լրացնում է վիտամինների պակասը։

Թթի հյութի մեջ այնպիսի բաղադրիչներ կան, որոնք հակամանրէային և հակաբորբոքային հատկություններով են օժտված, այդ պատճառով էլ այն խմել խորհուրդ են տալիս մրսածության, վիրուսային և այլ հիվանդությունների դեպքում։

Երիկամների համար այն նույնպես օգտակար է միզամուղ հատկության շնորհիվ։

Այս հատապտուղը նաև հանգստացնում է նյարդերը, այնպես որ, այն խորհուրդ են տալիս ուտել նաև նրանց, ովքեր մշտական սթրեսից են տառապում, գիշերները վատ են քնում և դուրս չեն գալիս նյարդային լարված վիճակից։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել