Armtimes.comա-ը գրում է.
Հունիսի 5-ին Ադրբեջանի Գերանբոյսկի շրջանում «Region Agropark» անվանումով ագրոպարկ է բացվել: Այն ստեղծելը Ադրբեջանին թույլ է տալիս մեծացնել գյուղատնտեսական արտադրանքի արտահանման ծավալները, այսպես է ասել նախագահ Իլհամ Ալիեւը:
Զավեշտալին այն է, որ «Region Agropark»-ի բացման շրջանակներում Իլհամ Ալիեւը պետք է շրջեր ագրոպարկի բոլոր արտադրական կետերում՝ լուսանկարներ ստանալու համար ու ցորենի դաշտ այցելելու համար հենց հողածածկույթին՝ հասկերի վրա, նախագահի պատվին նախորդ 2 օրում ասֆալտ է արվել:
Երկրորդ զավեշտն էլ այն է, որ այդ լուսանկարները այնուհետ մշակվել են, հեռացվել է ասֆալտի հատվածն ու հրապարակվել են՝ այցի լուսաբանման ընթացքը ներկայացնելիս: Որոշ կայքերում, սակայն, պահպանվել են բնօրինակները:
Ներկայացնում ենք Ալիեւի՝ «Region Agropark» այցի լուսանկարները մշակումից առաջ եւ հետո.
Ալիեւը՝ ցորենի ասֆալտապատ դաշտում ու գործարանում
