Aysor.am-ը գրում է.
Այսօր Ազգային ժողովում կառավարության ծրագրի քննարկման ժամանակ Հանրապետական խմբակցության պատգամավոր Արմեն Աշոտյանը հիշեցրեց Ֆրանսիայի վարչապետ Կլեմանսոյի խոսքերն ուղղված Լեհաստանի վարչապետ, դաշնակահար Իգնացի Պադերևսկուն. «Դուք մեծ արտիստ էիք, դարձաք շարքային վարչապետ»։
Այժմ արդեն ընդդիմադիր պատգամավորն անդրադառնալով կառավարության ծրագրի բովանդակությանը, խոստացավ դրա մասին խոսել առանց հեգնանքի, ասաց, որ չկան ժամկետներ, չկան թվեր և բացատրեց՝ ինչու չկան.
«Ոչ մի բանով ձեզ չեք պարտավորեցրել, ինչու՞ մեզ օգնել, որ հետո մենք չափենք՝ լա՞վ եք աշխատել, թե՞ ոչ, ինչու՞ ձեզ սահմանափակեք որևէ պարտավորություններով»։
Կառավարության ծրագրում Աշոտյանը նկատել է, որ արցախյան հիմնախնդրի լուծման որևէ բանալի չկա:
Նա հորդորեց դահլիճում նստած կառավարության ղեկավարին իրենց տալ հիմնախնդրի լուծման գործող իշխանության բանաձևը, որ խորհրդարանական դիվանագիտությունը պաշտպանի այն։
Կրթությանը վերաբերող բլոկում, կրթության նախկին նախարարը չի նկատել ներառական կրթության մասին որևէ կետ։ Անդրադարձ եղավ նաև տնտեսական բլոկին.
«Աշխատեիք մի քիչ տեքստի վրա։ Հեղափոխական տուրիզմի զարգացման հեռանկարը ո՞րն է։ Հազար ներողություն, հարգում եմ ձեր կատարած աշխատանքը, ընդունում եմ իշխանափոխության արդյունքները, չեմ հեգնում, բայց կարո՞ղ է Մադամ Տյուսոյի հետ մոմե արձան բացեք հեղափոխությանը նվիրված։ Չեմ հասկանում՝ Գառնին, Գեղարդը, Սևանը, Դիլիջանը ձեզ ի՞նչ են արել, որ տուրիզմի հիմնական մասը դրել եք բացառապես հեղափոխության վրա», - դիմելով Փաշինյանին հյատարարեց Աշոտյանը։
Նա փորձեց սրբագրել իշխանության ներկայացուցիչների հայտարարությունները.
«Դուք ժամանակավոր կառավարություն չեք, դուք կառավարություն եք, ինչքան կաշխատեք` Աստված ու ժողովուրդը գիտի։ Ձեր վերաբերմունքը աշխատանքին պետք է լինի ըստ այդմ՝ հավուր պատշաճի։ Ձեր առաքելությունը արտահերթ ընտրությունները չեն, արտահերթ ընտրությունները ձեր քաղաքական շահն է, ձեր քաղաքական նպատակն է, բայց ոչ՝ առաքելությունը։ Դուք արտավոր եք հորիզոնը տեսնել, որպեսզի այսօր վարչապետի ասած այդ կախարդական փայտիկը էստաֆետով փոխանցեք հաջորդներին»։
Ամբողջական հոդվածը կարող եք կարդալ այստեղ։
