«Բավականին խճճված իրավիճակ է առաջացել ՍԴ անդամի 2 թափուր տեղի համար: Առ այս պահը չի առաջադրվել Կիմ Բալայանի թափուր տեղի թեկնածուն:
Հիշեցնենք՝ ԱԺ պետաիրավական հարցերի հանձնաժողովում կարծում են, որ տեղի է ունեցել Սահմանադրության խախտում՝ ՀՀ նախագահը թեկնածուի մասին պետք է հայտարարեր 10 օրվա ընթացքում, չի արել: Իր հերթին Արմեն Սարգսյանը փորձել է դուրս գալ այդ հակասահմանադրական իրավիճակից. նրա կարգադրությամբ ստեղծվել է ժամանակավոր խորհրդակցական աշխատանքային խումբ՝ ՍԴ դատավորի թեկնածուների վերաբերյալ կարծիք ձևավորելու և իրեն ներկայացնելու համար: Մինչ այս հարցը կարգավորվի, նոր մանրամասներ են ի հայտ գալիս:
Փաստաբան Վահե Գրիգորյանը, ում 200-ից ավելի փաստաբաններ են պաշտպանում, ժամանակին եղել է Արմեն Սարգսյանի մոլի քննադատներից և բրիտանական քաղաքացիության փաստաթղթի պահանջատերերից մեկը:
Ի դեպ, 10-օրյա ժամկետում ՍԴ թեկնածու չառաջադրելու պաշտոնական պատճառն Արմեն Սարգսյանը համարել էր այն, որ իր առաջադրած թեկնածուն վերջին օրը հրաժարվել է: Նախագահի գրասենյակից փորձեցինք ճշտել, թե ով է եղել այդ թեկնածուն: Ասացին. «Քանի որ մարդը հրաժարվել է, հարկ չենք համարում նրա անունը հրապարակային հնչեցնել»»,-գրում է թերթը:
Նյութն ամբողջությամբ կարդացեք թերթի այսօրվա համարում: