Լուկաշենկոն սպառնացել է փակել ՌԴ-ի հետ սահմանը

Yerkir.am-ը գրում է.

Բելառուսի նախագահ Ալեքսանդր Լուկաշենկոն խոստացել է «ադեկվատ պատասխան» տալ Ռուսաստանին, եթե այն հսկողություն սահմանի երկու երկրների սահմանին. հայտնում է РИА Новости-ն:

«Եթե նրանք ցանկանում են փակել սահմանը, ապա խնդրեմ։ Կփակեն, մենք նույնպես, ի պատասխան, պետք է հսկողություն սահմանենք սահմանին»,- ասել է նա։

ՌԴ Անվտանգության դաշնային ծառայությունը հայտնել է Բելառուսի հետ սահմանին՝ մի քանի ռուսական շրջաններում, սահմանային գոտիների ստեղծման մասին։ Դա տեղի է ունեցել այն բանից հետո, երբ 2017 թվականի սկզբին Մինսկը 5-օրյա առանց այցագրի ռեժիմ սահմանեց 80 երկրի համար։ Դա հնարավորություն տվեց այդ երկրների քաղաքացիներին` հատել ՌԴ սահմանը՝ առանց անհրաժեշտ ստուգումներ անցնելու։