Brao.am-ը գրում է.
2016 թվականին Սիրուշոն ներկայացրեց իր «Արմատ» ձայնասկավառակը, որտեղ ընդգրկված երգերը հայկական մոտիվներով են ու ներկայացնում են ազգային երաժշտությունը՝ երգչուհու մեկնաբանությամբ: Ալբոմի շնորհանդեսից կարճ ժամանակ անց Սիրուշոն մեկնեց համերգային շրջագայության եւ «Արմատ տուր»-ի շրջանակում եղավ աշխարհի տարբեր երկրներում: Երեկ BRAVO.am-ը առիթ ունեցավ հանդիպել նրան Հայաստանի առաջին Հանրապետության եւ Մայիսյան հերոսամարտերի 100-ամյակին նվիրված գալա-համերգին եւ ետնաբեմում զրուցել տարբեր քաղաքներում կայացած համերգներից եւ առաջիկա նախագծերից:
Սիրուշոն դժվարացավ հիշել, թե քանի երկրում են հասցրել լինել, բայց նշեց՝ համերգներ են ունեցել Բոստոնում, Նյու Ջերսիում, Բրյուսելում, Մոնրեալում, Բեյրութում եւ այլուր: Ասաց՝ շատ լավ տպավորություններով է վերադարձել Հայաստան, քանի որ հանդիսատեսն ամենուր շատ ջերմ է ընդունել իրենց ելույթները.«Եթե դիտել եք այն տեսանյութերը, որ ներկայացնում եմ սոցիալական ցանցերի իմ էջերում, ապա նկատած կլինեք, որ ամեն մի համերգ յուրովի կապ է ստեղծում հանդիսատեսի հետ: Չեմ կարող դա խոսքերով փոխանցել, պետք է պարզապես այնտեղ լինել, որպեսզի զգալ ու տեսնել, թե ինչ է կատարվում: Եվ հետո այն խոսքերը, որ լսում եմ, այն դրական լիցքերն ու էներգիան, որ ստանում եմ, այնքան ոգեւորող են, եւ հենց դրա համար էլ «Արմատը» շարունակական դարձավ: Այս պահին էլ ունենք հրավերներ տարբեր երկրներից, բայց հիմա մի փոքր դադար ենք տվել ու, հավանաբար, սեպտեմբերին կշարունակենք, որովհետեւ առաջիկա ամիսների ընթացքում այստեղ շատ աշխատանքներ ունենք, որ պետք է հասցնենք անել»:
Ամբողջական հոդվածը կարցող եք կարդալ այստեղ
