«Հունիսի 15-ին լրանում է ՍԴ նախագահի տեղակալ Վոլոդյա Հովհաննիսյանի 70-ամյակը, նա կգնա թոշակի, և ՍԴ-ում կառաջանա երկրորդ թափուր պաշտոնը: Այս տեղը կլրացվի հունիսի 12-ին մեկնարկող ԱԺ քառօրյայի ընթացքում, քանի որ դա լինելու է գարնանային նստաշրջանի վերջին քառօրյան, ԱԺ-ն երկամսյա արձակուրդ է գնում, իսկ օրենքը պահանջում է ՍԴ թափուր պաշտոնը լրացնել 1 ամսում:
Դատավորների ընդհանուր ժողովն արդեն ընտրել է թեկնածուին՝ Վճռաբեկ դատարանի քրեական պալատի դատավոր 54-ամյա Ելիզավետա Դանիելյանին, ում առաջիկա օրերին կներկայացնեն ԱԺ: ՍԴ դատավորի մյուս թափուր պաշտոնի ճակատագիրն անորոշ է, այն առաջացել է Կիմ Բալայանին փոխարինած Հրայր Թովմասյանի՝ ՍԴ նախագահ դառնալուց հետո, և Սահմանադրությամբ ՀՀ նախագահն էր իրավասու ներկայացնել թեկնածուին: Էմիլ Բաբայանի ձախողված ընտրությունից հետո Արմեն Սարգսյանն օրենքով պահանջվող 10-օրյա ժամկետում չներկայացրեց այլ թեկնածու և պատրաստվում է մրցութային հանձնաժողովով ընտրել թեկնածուին, որը, ամենայն հավանականությամբ, կլինի Վահե Գրիգորյանը:
Նյութն ամբողջությամբ կարդացեք թերթի այսօրվա համարում: