«ԵԽ արտաքին հանձնաժողովի նման անվերապահ աջակցությունը ՀՀ-ԵՄ համաձայնագրին իսկապես դրական հանգամանք և նոր որակ է ՀՀ-ԵՄ հարաբերություններում: Հանձնաժողովի տարածած հաղորդագրությունն իր որակով առաջինն է ՀՀ-ԵՄ հարաբերությունների վերաբերյալ վերջին շրջանում: Առաջին անգամն է, որ ԵԽ պատգամավորներն ակնարկում են այս համաձայնագրից դուրս հարաբերություններն էլ ավելի խորացնելու պատրաստականության, Հայաստանին տրվող ֆինանսավորումն ընդլայնելու և վիզային ռեժիմի շուրջ շուտափույթ առաջընթաց գրանցելու մասին»,- մեր թղթակցի հետ զրույցում ասել է անգլիացի քաղաքագետ Նեյլ Մաքֆարլեյնը՝ անդրադառնալով ԵԽ-ում տեղի ունեցած ՀՀ-ԵՄ համաձայնագրի քվեարկությանը: Նա նշել է, որ միանշանակ է՝ ԵԽ-ն, Եվրոպական միությունը ցանկանում է իր աջակցությունը ցույց տալ Հայաստանում գրանցված փոփոխություններին, այն անցնցում իշխանափոխությանը, որը տեղի ունեցավ:
«Այն, ինչ տեղի ունեցավ ՀՀ-ում, և այն, թե ինչպես իրադարձությունները կզարգանան առաջիկա ամիսներին, այն, թե ինչպես Հայաստանի նոր ղեկավարությունը կպատրաստվի արտահերթ ընտրությունների, ավելի ու ավելի կբարձրացնի Հայաստանի հեղինակությունը, եթե ընթանա հարթ ու քաղաքական հասունության մթնոլորտում, ինչպես նախորդ բարդ գործընթացը»,- նկատել է վերլուծաբանը»,-գրում է թերթը:Նյութն ամբողջությամբ կարդացեք թերթի այսօրվա համարում:
