Ամերիկացի նյարդակենսաբանները ապացուցել են, որ կապիկների դասին չպատկանող կենդանիների ևս մի տեսակ ունակ է մարդուն հատուկ բարձրագույն նյարդային գործունեություն ցուցաբերելու: Առնետները կարող են հիշել անցյալի իրադարձությունները ժամանակագրական կարգով: Այդ մասին տեղեկացնում է Phys.org-ը:
Հհետազոտությունների համար օգտագործել են 13 առնետների, որոնց սովորեցրել են մտապահել 12 տարբեր բույրեր՝ըստ ցուցակի: Կրծողներին տեղավորել են հատուկ խցերում և «պարգևատրել», երբ նրանք երկրորդից կամ չորրորդից սկսած՝ ճանաչել են բույրերը:
Սովորեցնելուց հետո կենդանիները մի շարք թեստեր են անցել, որոնցից յուրաքանչյուրի ժամանակ բույրերը փոփոխվել են, որպեսզի հաստատվի, որ կենդանիները հիշում են դրանց դասավորվածությունը ըստ նախնական ցուցակի: Ապացուցվել է, որ առնետները կարողանում են մտքում վերականգնել բույրերի ողջ ցանկը: Հիշողության այդ տեսակը կրծողների մոտ բնութագրվում է որպես երկարաժամկետ և դիմացկուն գործառույթ: Գիտնականների կարծիքով՝ այս հայտնագործությունը հնարավորություն կընձեռի ուսումնասիրություններ կատարելու նյարադաբանական խանգարումներով տառապող գենոմոդիֆիկացված կենդանիների շրջանում: