ՊՊԾ գնդի գրավման ժամանակ Սասնա ծռերից Աշոտ Պետրոսյանը պոկել էր այն ժամանակ ոստիկանության Երևան քաղաքի վարչության պետի տեղակալ, ոստիկանության գնդապետ, պատանդառված Վալերի Օսիպյանի ուսադիրները։ Օսիպյանն այսօր արդեն ՀՀ ոստիկանապետն է։
Դե, իսկ ծռերի ղեկավարներից Պավլիկ Մանուկյանն էլ այն ժամանակ ԱԺ պատգամավոր Նիկոլ Փաշինյանի մասին այսպես էր արտահայտվել, երբ վերջինս փորձում էր հանդարտեցնել ժողովրդին, որպեսզի անդառնալի հետևանքներ չլինեն. «Ասա, որ Նիկոլին չլսեն, թող իրան շպրտեն զիբիլի վեդրոն… Եթե չեք կարում, քար-մար շպրտեք վրեն: Տղերքին ասա՝ Նիկոլին չլսեն»։ Փաշինյանն էսօր ՀՀ վարչապետն է։
Ու էսօր արդեն Սասնա ծռերի ֆանատներն երես ունեն ու Նիկոլից պահանջում են ազատ արձակել ծռերին։ Ինձ թվումա՝ դա Նիկոլի ամենամեծ սխալներից մեկը կլինի, ու վստահ եմ, որ նման քայլի չի գնա։
