Այս է վկայում ՀՀ տնտեսական զարգացման և ներդրումների նախարարության՝ 2017-2018 թթ. առաջին եռամսյակի գործունեության հաշվետվությունը: Դեպի Ռուսաստան մեր երկրից 2018-ի հունվար-մարտին արտահանվել է 149.3 միլիոն դոլարի ապրանք, Շվեյցարիա՝ 97.6, Բուլղարիա՝ 63, Գերմանիա՝ 37.3, Նիդերլանդներ՝ 28.5, Իրան՝ 24.8 միլիոն դոլարի արտադրանք:
ԵԱՏՄ ուղղությամբ արտահանման աճը կազմել է 47.6 տոկոս, ԵՄ-ի՝ 29.2 տոկոս, այլ երկրների՝ 30.7 տոկոս:
Հիշյալ բոլոր ուղղություններով արտահանման աճ է արձանագրվել: Ռուսաստան արտահանված ապրանքների ծավալն աճել է 45.7 տոկոսով, Շվեյցարիա՝ 72.8, Բուլղարիա՝ 12.1, Գերմանիա՝ 9.1, Նիդերլանդներ՝ 59.1, Իրան՝ 85.4 տոկոսով:
2018-ի առաջին եռամսյակում արտահանումը 34.4 տոկոսով գերազանցել է նախորդ տարվա նույն ժամանակահատվածի ցուցանիշը՝ կազմելով 597.3 մլն ԱՄՆ դոլար․ աճել է 152.9 մլն ԱՄՆ դոլարով:
