«Երեկ «Ժողովուրդ» օրաթերթի թղթակիցը նկատել է, թե ինչպես են Երևանի քաղաքապետարանի աշխատակիցները մայրաքաղաքի կենտրոնում տեղադրում «Երևան» թուջե ձուլվածքով գերթանկարժեք նստարանները: Հիշեցնենք, այդ նստարանները քաղաքապետարանը հավաքել էր հանրահավաքների օրերին, որպեսզի ցուցարարները դրանք չօգտագործեն փողոց փակելու համար: Նաև այդպես փորձել են նստարանները փրկել հնարավոր վնասումներից: Բայց հիմա, փաստորեն, նրանք նույնությամբ հետ են բերում տարածը: Նստարանների հանդեպ նման ուշադիր վերաբերմունքը պատահական չէ. «Ժողովուրդ» օրաթերթը բազմաթիվ անգամ գրել է, որ Երևանի քաղաքապետարանը մեկ նստարանը գնել է մոտ 165 հազար դրամով: Դե, հասկանալի նստարաններն ավելի էժան են, պարզապես, քաղաքապետարանն այդպես գումար է աշխատում ատկատի ճանապարհով: Հիշեցնենք, որ, օրինակ, նախորդ տարվա համար քաղաքապետարանը գնել է 500 հատ «Երևան» թուջե ձուլվածքով նստարան ծախսելով ավելի քան 82 մլն դրամ:
Իսկ այդ նստարանները նրանք գնում են միշտ նույն ընկերությունից՝ «Նիկոլ Դուման»-ից»,-գրում է թերթը:
Նյութն ամբողջությամբ կարդացեք թերթի այսօրվա համարում:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել