Գիտնականները կարծում են, որ մարդու ժամանակակից քայլվածքը ձևավորվել է դեռևս մինչև Homo տեսակի երևան գալը: Մեր նախնիները երկու ոտքով ուղիղ քայլել սկսել են դեռևս 3,6 մլն տարի առաջ՝ գրում է aspekty.net-ը:
Երկու ոտքով շարժվելը բնորոշ է էվոլուցիայի վաղ փուլերին, սակայն շատ գիտնականներ մինչ այժմ վիճում են նրա մասին, թե ինչպես են տեղաշարժվել մեր նախնիները: Շատերը կարծում են, որ նրանք քայլել են, ինչպես ժամանակակից մարդիկ, մյուսները պնդում են, որ նրանք շարժվել են կապիկների պես՝ չորս վերջույթների վրա:
Արիզոնայի համալսարանի գիտնականները մանրամասն ուսումնասիրել են նախամարդու հետքերը, որոնք հայտնաբերել են հնէաբանները 1978թ. Աֆրիկայում: Այդ տարածքը առանձնահատուկ է նրանով, որ այնտեղ հազվադեպ են ջրհեղեղներ կամ հրդեհներ եղել, այդ պատճառով էլ մարդու նախնիների հետքերը շատ լավ են պահպանվել: Հետազոտության արդյունքը ցույց է տվել, որ մեր նախնիները շարժվել են, ինչպես ժամանակակից մարդիկ՝ երկու ուղիղ ոտքով: