«Ժամանակ»-ի հետ զրույցում «Ռուսաստանը գլոբալ քաղաքականությունում» ամսագրի գլխավոր խմբագիր, քաղաքական վերլուծաբան Ֆյոդոր Լուկյանովն անդրադարձել է այս օրերին Հայաստանում կատարվող ներքաղաքական իրադարձություններին: «Առայժմ` վերջին երկու-երեք օրերին, Մոսկվայի արձագանքը շատ զուսպ է եղել:
Ի տարբերություն նախորդ դեպքերի` նմանատիպ իշխանափոխություններին հարևան երկրներում, այս դեպքում ոչ ոք չի ասում, թե Արևմուտքի մատը խառն է այս գործընթացին: Մոսկվայում հասկանում են, որ սա ներքին ծագում ունեցող գործընթաց է, հանրությունը հոգնել է միևնույն քաղաքական գործիչներից: Իրավիճակը տհաճ է, բայց շատ բնական: Եվ այս իմաստով, ինձ թվում է, Մոսկվան ցանկություն չունի միջամտել այս իրադարձություններին և փորձել ընտրել ֆավորիտների, առավել ևս, որ Ռուսաստանը դա չի կարողանում անել:
Մոսկվայում կարծում են, որ հայ քաղաքական գործիչները ստիպված են լինել ռեալիստներ: Հայաստանի աշխարհաքաղաքական վիճակը, սպառնացող երկարաժամկետ վտանգները թույլ չեն տալիս այն աստիճանի անպատասխանատվություն, որն իրենց կարող է թույլ տալ այլ երկրների քաղաքական գործիչները: Ռուսաստանին Հայաստանում կարող են տարբեր կերպ վերաբերվել, բայց փաստ է այն, որ Ռուսաստանը Հայաստանի Հանրապետության անվտանգության միակ երաշխավորն է»,-ասել է Լուկյանովը»,-գրում է թերթը:
Նյութն ամբողջությամբ կարդացեք թերթի այսօրվա համարում:
