ՀՅԴ-ն դուրս է եկել կոալիցիայից

ՀՅԴ-ն, hաշվի առնելով առկա իրավիճակը, քաղաքական կոալիցիային իր մասնակցությունը դադարեցնում է։ Այս մասին հայտնում է ՀՅԴ հանրային կապերի գրասենյակը։

«Ժողովրդային շարժման արդյունքում Հայաստանում ստեղծվել է մի իրավիճակ, որն արդեն օրեր շարունակ լարվածության մեջ է պահում ողջ հասարակությանը: Այսպես, սակայն, երկար չի կարող շարունակվել: Կարող են առաջանալ լուրջ մարտահրավերներ: Համոզված ենք, որ ստեղծված իրավիճակը պետք է հանգուցալուծվի բացառապես սահմանադրականության և օրենքների շրջանակներում»,- նշված է հաղորդագրության մեջ։