Պատրաստում ենք «Էկլեր». թեթև, փքուն, համեղ և արագ պատրաստվող բաղադրատոմս

Խմորի համար անհրաժեշտ է

• Կարագ՝ 100 գ
• Ձու՝ 4 հատ
• Ալյուր՝ 180 գ
• Աղ՝ 1/2 թ/գ
• Ջուր՝ 250 մլ

Պատրաստումը

Ջուրը եռացնել, ավելացնել կարագը, աղը և նորից եռացնել: Եռացող ջրի մեջ լցնել ալյուրը, լավ խառնել և 2 րոպե եփել:

Ստացված զանգվածը սառեցնել, մեկ-մեկ ավելացնել ձվերը և լավ խառնել: Կաղապարի վրա դնել յուղաթուղթ և վրան կարագ քսել: Խոհարարական պարկիկի օգնությամբ խմորը լցնել կաղապարի վրա:

Կաղապարը դնել 180 աստիճան տաքացրած ջեռոցի մեջ և թխել մոտ 30 րոպե, մինչև ոսկեգույն դառնա: Թխվելու ընթացքում ջեռոցի դուռը չպետք է բացել:

Ստացված էկլերների մեջ լցնել կրեմ, իսկ վրան, ցանկության դեպքում ցանել շաքարի փոշի:

Կարող եք օգտագործել ցանկացած տեսակի կրեմ:

Բարի ախորժակ: