««Ռուսաստանը շարունակում է Հայաստանում առաջ տանել իր քաղաքականությունը` միևնույն տրամաբանությունից ելնելով»,- «168 ժամի» թղթակցի հետ զրույցում ասել է ռուս քաղաքական վերլուծաբան Ստանիսլավ Տարասովը` անդրադառնալով Հայաստանում ՌԴ նոր դեսպանի նշանակմանը: «Նորանշանակ դիվանագետի աշխատանքային փորձը Եվրամիությունում նշանակում է, որ ՌԴ-ն կարևորում է ՀՀ-ում դիվանագետի լավ աշխատանքը, իսկ ԵՄ-ում վերջին տարիների ընթացքում Ռուսաստանը պասիվ, անկարող դիվանագետ ունենալ չէր կարող: Այս նշանակումը ցույց է տալիս, որ Հայաստանում ՌԴ-ին հարկավոր է եվրոպական անցուդարձը հասկացող դեսպան, քանի որ Հայաստանը ԵՄ-ին ընդառաջ քայլ է կատարել համագործակցության ընդլայնմանն ուղղված նոր համաձայնագիր ստորագրելով, վիզային ազատականացման բանակցություններ սկսելով: Այս ամենը, բնականաբար, տեղի է ունեցել նաև Ռուսաստանի անուղղակի մասնակցությամբ, սակայն ՌԴ-ն կարևորում է, որ այսուհետ ևս Հայաստանում աշխատող ռուս դեսպանը նկատի ՀՀ-ԵՄ հարաբերությունների նրբությունները, որոնք գուցե անտեսվեն դիվանագետի կողմից, ով ԵՄ-ում աշխատանքի փորձ չունի»,- ասել է Տարասովը»,-գրում է թերթը:
Նյութն ամբողջությամբ կարդացեք թերթի այսօրվա համարում:
