Bravo.am-ը գրում է.
Կինոյի եւ թատրոնի դերասան Հայկ Սարգսյանը BRAVO.am-ի հետ անկեղծ զրույցում պատմել է այն դերի մասին, որ կցանկանար կրկին խաղալ, Ալբերտ Մկրտչյանի հետ տպավորիչ երկխոսության, առաջնեկին կարոտելու եւ այն լույսի մասին, որ գտել է:
-Թատրոն, այնուհետեւ նաեւ հեռուստատեսային գործունեություն. տարբեր դերեր ներկայացումներում, նկարահանումներ ֆիլմերում եւ սերիալներում: Հասցնո՞ւմ եք համատեղել։
-Թատրոնի եւ կինոյի միջեւ բեւեռային տարբերություն կա: Մանկուց սիրել եմ կինեմատոգրաֆիան. գուցե դա պատանեկության հետ էր կապված կամ այն ինֆորմացիայի պակասից, որ այդ ժամանակ դեռ ունեի։ Առաջին քայլերս սկսել եմ լուսահոգի Արտաշես Հովհաննիսյանի ղեկավարության ներքո գտնվող «Նորք» թատրոնում։ Կարծում եմ, որ թատրոնն իր առանձին տեղն ու կարեւորությունն ունի, իսկ հեռուստատեսությունը՝ լրիվ առանձին, ուղղակի պետք է կարողանալ տարբերել եւ ներդաշնակեցնել։ Յուրաքանչյուր աշխատանքից մարդ պետք է հաճույք, ադրենալին ստանա, իսկ եթե չի ստանում, ապա պետք է փոխի մասնագիտությունը։
