Առաջին ալիքը և ՀՀ առողջապահության նախարարությունը ներկայացնում են նոր հեռուստանախագիծ՝ «Անկախ տարիքից», որն Առաջինի եթերում կլինի յուրաքանչյուր երեքշաբթի՝ ժամը 19:50-ին:
Վերափոխման ճանապարհին նախագծի հերոսուհիներին և հեռուստադիտողին կուղեկցի Մանե Գրիգորյանը: Հաղորդման ընթացքում պլաստիկ վիրաբույժը, ատամնաբույժը, բժիշկ-էսթետիստն ու ոճաբաններն աշխատելու են հերոսուհիների հետ և օգնելու են նրանց վերականգնել գեղեցկությունը, հմայքը, ինքնավստահությունը և նոր կյանք սկսելու ցանկությունը:
«Կոսմետոլոգիայի ոլորտի լավագույն մասնագետներից, ոճաբաններից, դիմահարդարներից ու վարսահարդարներից կազմված մեր պրոֆեսիոնալ թիմը կօգնի կանանց վերագտնել իրենց գեղեցկությունը և կյանքը սկսել նոր էջից: Կինը պետք է ինքնավստահ և երջանիկ լինի՝ անկախ տարիքից»,- նշել է Մանե Գրիգորյանը:
«Անկախ տարիքից» նախագծի առաջին թողարկումն Առաջինի եթերում կարող եք դիտել այսօր՝ ժամը 19:50-ին:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
