«Քաղաքագետ Սերգեյ Շաքարյանցի խոսքով՝ մինչև Ադրբեջանի արտահերթ նախագահական ընտրությունները՝ ապրիլի 11-ը, արցախաադրբեջանական սահմանում հակառակորդի կողմից կլինեն նոր սադրանքներ, այնքան ժամանակ մինչև կրկին վերընտրվի Ի. Ալիևը. «Ներկայումս տեղի ունեցող իրադարձությունները համադրելով 2016 թվականի ապրիլի իրադարձությունների հետ՝ կարող եմ ասել, որ սադրանքները տարբեր բնույթի կլինեն՝ ավելի բարդ ու դաժան: Բանն այն է, որ երբեք հայկական կողմը չի բարձրաձայնում, որ այս տարիների ընթացքում Թուրքիայի օգնությամբ Ադրբեջանը Նախիջևանում զորքեր է կուտակում, տարիներ շարունակ բարձր ամբիոններից չենք խոսում այս ամենի մասին և լռում ենք: Գոնե այժմ պետք չէ լռել»,- «Իրավունքի» հետ զրույցում նշեց քաղաքագետը:
Վերջերս Իսրայելի խորհրդարանը մերժեց Հայոց ցեղասպանության օրը նշելու օրինագիծը, ըստ քաղաքագետի՝ այս ամենը նույնպես սադրանքների ազդակ է, քանի որ վերջինս շարունակում է կանգնել Թուրքիայի կողքին. «Այո, Իսրայելն է մեր թշնամին, քանի որ մեր թշնամի երկրի կողմնակիցն է:
Հայաստանի և Արցախի անվտանգությունը խաղալիք է դարձել ԱՄՆ-ի և Իսրայելի ձեռքին, որոնք ձգտում են կասեցնել ռուս-իրանական համագործակցությունը: Տարիներ առաջ հրապարակվել է հոդված, որտեղ ապացուցվում է, որ Վրաստանն ու Ադրբեջանը Իսրայելի վաղեմի հետախուզական բազաներն են, այլ ոչ թե՝ պետություններ»,- փաստեց Ս. Շաքարյանցը»,-գրում է թերթը:
Նյութն ամբողջությամբ կարդացեք թերթի այսօրվա համարում:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել