Armtimes.com-ը գրում է.
Ադրբեջանի պետական անվտանգության ծառայությունը ոչնչացրել է միջազգային ահաբեկչական կազմակերպության կազմի մեջ մտնող «Խաչմազ Ջամաաթի» ծայրահեղական խմբավորման անդամներին:
Ինչպես հաղորդում են ադրբեջանական ԶԼՄ-ները՝ վկայակոչելով ՊԱԾ-ը, օպերատիվ միջոցառումների ընթացքում պարզվել է, որ «Խաչմազ Ջամաաթի» անդամներ Սաբիր Մամեդովը եւ Թարլան Սալիմովը դիվերսիոն-ահաբեկչական գործողություններ էին նախապատրաստում:
Փաստի առթիվ քրեական գործ է հարուցվել: Խաչմազի շրջանում իրականացված օպերացիայի ընթացքում ՊԱԾ-ի աշխատակիցները Սաբիր Մամեդովից եւ Թարլան Սալիմովից պահանջել են հանձնվել, սակայն վերջիններս զինված դիմադրություն են ցույց տվել եւ կրակ են բացել իրավապահների ուղղությամբ, որի հետեւանքով Մամեդովը եւ Սալիմովը ոչնչացվել են:
Նյութի աղբյուր՝ http://armtimes.com/hy/article/132859
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել