Վերջին մեկ ամսվա ընթացքում խախտվել են այն պայմանավորվածությունները, որոնք Սիրիայում գործում էին դեռ նախորդ տարվա սկզբից, մասնավորապես՝ մայիսից դեէսկալացիոն գոտիների ձևավորման վերաբերյալ Ռուսաստանի, Իրանի և Թուրքիայի միջև ձեռքբերված պայմանավորվածությունները։ Ինչպես նշված դերակատարները, այնպես էլ ԱՄՆ-ն փորձում են ավելի ամրապնդել իրենց դիրքերը Սիրիայի տարբեր հատվածներում, ընդլայնել վերահսկողության ներքո գտնվող շրջանների աշխարհագրությունը։ Թերևս այս հիմնական միտումներով է պայմանավորված տարբեր շրջաններում ռազմական ակտիվության աճը. ներկայումս մարտեր են ընթանում բոլոր ուղղություններով՝ կառավարական ուժեր-ընդդիմադիր խմբավորումներ, կառավարական ուժեր-ծայրահեղական խմբավորումներ, ընդդիմադիր խմբավորումներ-քրդական ուժեր և այլն։ Սիրիական թե՛ ռազմադաշտում, թե՛ դիվանագիտական հարթակում սրվել են հարաբերությունները կողմերի միջև։ Առաջացած խնդիրներն էլ հանգեցրել են նրան, որ նախկինում ձեռք բերված պայմանավորվածություններն այլևս չեն գործում։
Կից նյութն՝ այստեղ։
