Armtimes.com-ը գրում է.
Ադրբեջանում դարձյալ զանգվածային ձերբակալություններ են, այս անգամ թիրախում փախստականներն են:
Ձերբակալվել են Պաղեստինի, Բանգլադեշի, Հնդկաստանի տասնյակ քաղաքացիներ, փոխանցում է Ադրբեջանի պետական միգրացիոն ծառայությունը:
Որպես ձերբակալման պատճառ, նշվում է այն հանգամանքը, որ օտարերկրացիները չեն զբաղվել այն գործով, ինչի համար ժամանել են, մասնավորապես ձեռնարկատիրությամբ:
Ստուգումները կատարվել են փետրվարի 16-19-ին, արդյունքում՝ 11 Պաղեստինի, 6 Բանգլադեշի ու 4 Հնդկաստանի քաղաքացիների են բերման ենթարկվել:
Հարկ է նշել, որ հիշյալ մարդիկ Ադրբեջան մուտք են գործել օրինական ճանապարհով, ստացել օրինական կարգով երկրում մնալու եւ ձեռնարկատիրական գործունեություն ծավալելու թույլտվություն, չեն խախտել օրենքներ:
Նյութի աղբյուր՝ http://armtimes.com/hy/article/131759
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել