Bravo.am-ը գրում է.
Երեւանի թատրոնի եւ կինոյի պետական ինստիտուտի շրջանավարտ Գոռ Համբարձումյանն այս շրջանում նկարահանվում է «Բացիր աչքերդ» սերիալում: Թե ինչ ճանապարհ է անցել, երբվանից է աշխատում Ստանիսլավսկու անվան ռուսական դրամատիկական թատրոնում, ում է պարտական դրա համար եւ այլ հարցերի շուրջ դերասանը խոսել է BRAVO.am-ի հետ անկեղծ զրույցում:
«Նրա կորուստը շատ ցավալի էր»
Շատերի համար Թատերական ինստիտուտը միայն շենք է, որտեղ կարելի է սովորել եւ դիպլոմ ձեռք բերել, բայց ես այնտեղ շատ գիտելիքներ եմ ստացել իմ սիրելի վարպետի` Ալեքսանդր Գրիգորյանի շնորհիվ: Նրա կորուստը մեզ համար շատ ցավալի էր, քանի որ նրանից կարելի էր անվերջ սովորել: Նա է եղել ինձ ուղղորդողը թատերական ասպարեզում, եւ ես իսկապես պարտական եմ նրան, քանի որ այն պաշարը, որ այժմ ունեմ, իմ եւ վարպետիս աշխատանքի արդյունքն է:
