Bravo.am-ը գրում է.
Արծրուն Չոբանյանը BRAVO.am-ին պատմել է կյանքը փոխած հանդիպումների, մարմնավորած կերպարի մասին, որն ամենամոտն է իրեն, նաեւ պատասխանել է շատերին հետաքրքրող հարցի՝ արդյո՞ք ինքն ու դերասան Բաբկեն Չոբանյանը հարազատ եղբայրներ են:):
-Լիրիկական կատակերգության մեջ մարմնավորելով մի կերպար, որը պատմում է, թե ինչպես կարող է պատահական կամ ոչ պատահական հանդիպումը մարդու կյանքում մեծ փոփոխություններ մտցնել, այ, իրական կյանքում եղե՞լ են այդպիսի հանդիպումներ։
- Կարծում եմ` յուրաքանչյուրի կյանքում լինում են պատահական հանդիպումներ, որոնք իրենց ազդեցությունն են թողնում եւ կարող են փոխել մարդուն եւ նրա կյանքը։ Ինձ հետ պատահել են նման հանդիպումներ. ես ունեցել եմ այնպիսի դասախոսներ, ինչպիսիք են՝ Նիկոլայ Ծատուրյանը, Նարինե Գրիգորյանը, Աննա Հեքեքյանն ու Սոֆիկ Սարգսյանը: Իսկ դրանից հետո իմ կյանքում մեծ փոփոխություն եղավ, երբ հանդիպեցի Մհեր Մկրտչյանին՝ աշխատելով թատրոնում եւ նկարահանվելով վերջինիս հեղինակած ֆիլմերում։
-Միմյանց հաջորդող երեք համագործակցություն մի ռեժիսորի հետ, ում հետ աշխատելը ոչ միայն պատվաբեր է ցանկացած դերասանի համար, այլ նաեւ շատ պարտավորեցնող: Բա՞րդ չէ։
-Իհարկե, դժվար է, բայց հաճույքով եմ փորձում հաղթահարել այդ դժվարությունները, իսկ ինչ վերաբերում է Մհեր Մկրտչյանի պահանջկոտ լինելուն, ես միայն ուրախ եմ, որովհետեւ դրանից լավ արդյունք կարելի է սպասել:
Ամբողջական հոդվածը կարող եք կարդալ այստեղ։
