Azatutyun.am-ը գրում է.

ԱՄՆ-ում տեղակայված Human Rights Watch միջազգային իրավապաշտպան կազմակերպության 2018-ի տարեկան զեկույում ասվում է, որ ազդեցիկ երկրներում, այդ թվում Ամերիկայի Միացյալ Նահանգներում աճող անհանդուրժողականությունը խրախուսող գործոն է դառնում աշխարհում բռնատիրական ռեժիմների համար:

Զեկույցում, մասնավորապես, նշվում է, որ ներգաղթյալներին հալածելու և ամբոխավարական այլ քայլեր ձեռնարկելու քաղաքականությունը մեծ սպառնալիք է դեմոկրատական երկրներում գտնվող փոքրամասնությունների իրավունքների համար:

Human Rights Watch-ի գործադիր տնօրեն Քենեթ Ռոթը հատուկ մատնանշել է ԱՄՆ նախագահին, ասելով, թե «Դոնալդ Թրամփն իր հռետորաբանությամբ և քաղաքականությամբ խախտել է ռասիզմի, կնատյացության և այլատյացության բոլոր արգելքները, ինչը ծանր հետևանքներ է առաջացրել ամբողջ աշխարհում»:

Ռոթի փոխանցմամբ, Թրամփն անհագ հիացմունք է տածում «պինդ ղեկավարի» համբավ ունեցող Ռուսաստանի, Եգիպտոսի և Ֆիլիպինների նախագահներ Վլադիմիր Պուտինի, Աբդել Ֆաթահ ալ-Սիսիի և Ռոդրիգո Դուտերտեի նկատմամբ:

Ամբողջական հոդվածը կարող եք կարդալ այստեղ։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել