Գոյություն ունեն հավի կրծքամսով աղցանների բազմաթիվ բաղադրատոմսեր:
Ձեզ ենք ներկայացնում դրանցից մեկը. աղցանը ոչ միայն հագեցնող է, այլ՝ նաև գեղեցիկ:
Այսպիսով՝ պատրաստումը սկսում ենք կրծքամսից. վրան աղ ու պղպեղ ենք ցանում, փաթաթում փայլաթիթեղի մեջ և տապակում:
Կարելի է կրծքամիսը տապակել փայլաթիթեղի մեջ անմիջապես մաքուր և չոր տապակում․ այդպես ավելի արագ կստացվի:
Տապակում ենք ամեն կողմից 10 րոպե, փակ կափարիչով, այնուհետև թողնում ենք՝ սառչի ևս 10 րոպե:
Մինչդեռ միսը հովանում է, կտրտում ենք բանջարեղենը: Լավագույն տարբերակն է` մեկ լոլիկ և մեկ վարունգ:
Լվանում ենք նաև հազարի տերևները, ձեռքով մասերի բաժանում և կտրատում ոչ շատ խոշոր:
Փայլաթիթեղը բացում ենք, կրծքամիսը կտրտում բարակ շերտերով:
Վերցնում ենք մեծ սկուտեղ, շաղ ենք տալիս հազարի տերևները և կտրտած բանջարեղենը, ավելացնում ենք միսը: Խառնում ենք:
Կարելի է ավելացնել մայոնեզ կամ ձիթայուղի հետ խառնած մանանեխ:
Կարելի է օգտագործել նաև թթվասեր կամ յոգուրտ:
