Shamshyan.com-ը գրում է.
Երեկ՝ դեկտեմբերի 15-ին, հերթական ավտոմեքենայի թալանման դեպքն է տեղի ունեցել Արաբկիր վարչական շրջանում։ Ինչպես հայտնում է ֆոտոլրագրող Գագիկ Շամշյանը, անհայտ անձը կամ անձինք դեկտեմբերի 14-ից մինչև դեկտեմբերի 15-ն ընկած ժամանակահատվածում տեխնիկական միջոցների գործադրմամբ Դեմիրճյան փողոցի թիվ 17 հասցեի մոտ թալանել են Porsche Cayenne մակնիշի 071 HH 11 համարանիշի ավտոմեքենան։
Հանցագործները ավտոմեքենայի վրայից գողացել են առջևի լուսարձակները։ Փաստի առթիվ Ոստիկանության Արաբկիրի բաժնի հետաքննչական բաժանմունքում նյութեր են նախապատրաստվում։ Գ. Շամշյանի տեղեկություններով՝ նշված ավտոմեքենան պատկանում է Ազգային ժողովի պատգամավոր, Երևան քաղաքի Պարոնյան փողոցի բնակիչ՝ 54-ամյա Սերգեյ Բագրատյանին և կատարվածի մասին Ոստիկանության Երևան քաղաքի վարչության օպերատիվ կառավարման կենտրոն ահազանգել է պատգամավորը։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
