Azatutyun.am-ը գրում է.
Սպիտակ տան անվտանգության հարցերով նախկին խորհրդական Մայքլ Ֆլինին պաշտոնապես մեղադրանք առաջադրվեց՝ Հետաքննությունների դաշնային բյուրոյին խաբելու փորձերի համար: Մեղադրանքն առաջադրվել է հատուկ հետաքննության շրջանակներում, որն անցկացնում է Ռոբերտ Մյուլերը․ նա պետք է պարզի, թե արդյո՞ք Ռուսաստանը միջամտել է 2016 թվականի ամերիկյան նախագահական ընտրություններին:
Ֆլինը, ով մեղադրվում է «գիտակցված և կանխամտածված» խաբեության մեջ, առաջիկայում պետք է դատարանի առաջ կանգնի: Նա Թրամփի ամենաբարձաստիճան մերձավորներից է, ում մեղադրանք է առաջադրվում Մյուլերի կողմից անցկացվող հետաքննության շրջանակներում: Մայքլ Ֆլինը Դոնալդ Թրամփի խորհրդականի պաշտոնում աշխատել է ընդամենը 24 օր և հրաժարական է տվել, երբ հայտնի է դարձել, որ սուտ վկայություններ է տվել ռուսաստանցի դիվանագետների հետ իր շփումների վերաբերյալ:
Ամբողջական հոդվածը կարող եք կարդալ այստեղ։
