Բաղադրիչներ
- պատրաստի շերտավոր խմոր - 500գր
- պանիր մասկարպոնե - 250գր
- ձվի դեղնուց - 1 հատ
- շաքարի փոշի - 60գր
- ելակ - 250գր
- անանուխ - 1 ճյուղ
Պատրաստման եղանակ
- Նախապես սառեցրած խմորը բացեք գրտնակով, ապա կտրեք ուղղանկյուններ (խմորեղենի 1 կտորի համար անհրաժեշտ է 3 շերտ ուղղանկյունաձև խմոր): Խմորները շարեք ջեռոցի տապակի վրա, պատառաքաղով ծակեք խմորի շերտերի ամբողջ մակերեսը:
- Եփեք ջեռոցում 10-15 րոպե 190աստիճանում մինչև թույլ շագանակագույն երանգի առաջացումը:
- Թողեք խմորի շերտերը սառչեն, որից հետո կտրատեք նրանց ծայրի չորացած մասերը:
- Հարեք շաքարի փոշին ձվի դեղնուցի հետ մինչև վերջինիս սպիտակելը և փրփրելը, ապա ավելացրեք մասկարպոնեն և կրկին հարեք մինչև կրեմի պնդանալը:
- Ելակները լվացեք, կտրատեք երկարությամբ 2 մասի:
- Խմորի շերտի վրա քսեք կրեմը, ապա շարեք ելակները: Կատարեք նույն գործողությունը ևս 2 անգամ:
- Զարդարեք աղանդերը անանուխի տերևներով և վրան շաղ տվեք մի քիչ շաքարի փոշի:
Պատրաստի միլֆեյը կարելի է մատուցել անմիջապես, եթե ցանկանում եք ունենալ խրթխրթան շերտեր, կամ ավելի ուշ, եթե գերադասում եք փափկած և կրեմը ներծած աղանդեր:
——
Ի դեպ՝
Միլֆեյ (mille-feuille) ֆրանսերենից թարգմանվում է ինչպես “հազարավոր շերտեր”: Ֆրանսիացիներն այսպես են կոչում ոչ միայն շերտավոր տարբեր տեսակի թխվաքները, այլև աչ քաղցր խորտիկները, որոնք պատրաստվում են շերտավոր խմորից:
Նյութի աղբյուր՝ http://www.cooks.am/%D5%B4%D5%AB%D5%AC%D6%86%D5%A5%D5%B5-%D5%A5%D5%AC%D5%A1%D5%AF%D5%B8%D5%BE/
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել